तुझी छबी
तुझी छबी बिल्लोरी
थोडी हसली जरा लाजली
मनात वसली छबी गोजिरी
हृदयात उठले तरंग
अनुभवली सुखाची लहर
विसरून सारे खिळून राहिली
तुझ्या छबीवर माझी नजर
वाटले तू बोलशील काही
मनाचे भेद उघडशील आज
माझी मनसा अपूर्ण राहीली
मंद हास्यात वाजवीले साज
एकदा वाटले मिटून डोळ्यांना
कायमचे बंदिस्त करावे छबीला
पण क्षणात आले मनात
कसे पूजणार बंदिस्त प्रेमाला
ओळखून माझ्या मनातील घालमेल
तुझी छबी अंतधान पावली
नेहमी प्रमाणे टिपले डोळे
स्वच्छ नजरेला छल कुठली
गिरीश ११. ७. २०१५
